சுண்டைக்காய் பொடி

[Reva]

தேவையான பொருட்கள்:
சுண்டைக்காய் 100கிராம்
காய்ந்த மிளகாய் 4
மல்லி 2 மேஜைக்கரண்டி
உ.பருப்பு 3 மேஜைக்கரண்டி
க.பருப்பு 3 மேஜைக்கரண்டி
பெருங்காயம் சிறிய துண்டு
உப்பு தேவையான அளவு
நெய் 1 1/2 தேக்கரண்டி
பூண்டு 5 பல்


செய்முறை:
முதலில் சுண்டைக்காயை இரண்டு இரண்டாக வெட்டி வைத்துக் கொள்ளவும்.
எண்ணெய் சட்டியில் 1/4 தேக்கரண்டி நெய் ஊற்றி சுண்டைக்காயை சேர்த்து நிறம் மாறும் வரை வதக்கி தனியே எடுத்து வைக்கவும்.
அதே சட்டியில் மேலும் சிறிது நெய் விட்டு காய்ந்த மிளகாயை வறுத்துக்கொள்ளவும்.
பிறகு மல்லி சேர்த்து வறுத்து தனியே எடுத்து வைக்கவும்.
அடுத்து சிறிது நெய் சேர்த்து உளுத்தம்பருப்பு, கடலைப்பருப்பு ஆகியவற்றை சேர்த்து பொன்னிறமாக வரும் வரை வறுத்து தனியே எடுத்து வைக்கவும்.
மீதமுள்ள நெய்யை கடாயில் ஊற்றி பெருங்காயம் சேர்த்து நன்கு பொறித்து எடுக்கவும்.
பூண்டை தோலோடு கடாயில் வறுத்து எடுக்கவும்.
நன்கு ஆறியதும் சுண்டைக்காயை தவிர மற்ற பொருட்களை மிக்ஸியில் சேர்த்து கொரகொரப்பாக அரைத்ததும் அதில் வதக்கிய சுண்டைக்காயை சேர்த்து அரைக்கவும்.
சூடான சாதத்தில் நெய் விட்டு சுண்டைக்காய் பொடியை சேர்த்து தினமும் சாப்பிட்டு வர செரிமான பிரச்சினை, வயிற்றுப்புண் ஆகியவை குணமாகும்.