ஹம்முஸ்

[siteadmin]

ஹம்முஸ்:



தேவையான பொருள்கள் :


வெள்ளை கொண்டைக்கடலை : 1 கப்

ஆலிவ் எண்ணெய் : 1/4 கப்

பூண்டு : 3

எள்ளு : 3 மேஜைக்கரண்டி

மிளகாய் பொடி : 1/2 தேக்கரண்டி

சீரகப் பொடி : 1/2 தேக்கரண்டி

எலுமிச்சம் பழச்சாறு : 1 தேக்கரண்டி

உப்பு : தேவையான அளவு

பார்ஸ்லி / கொத்தமல்லி தளைகள் : சிறிதளவு


செய்முறை :

முதலில் கடலையை நன்றாக 8 - 10 மணி நேரங்கள் ஊற வைத்த பின்னர், அதனை குக்கரில் 3 - 4 விசில் வரும் வரைக்கும் வேக வைத்து எடுத்துக் கொள்ளவும்.

பின்னர் எள்ளை எண்ணெய் எதுவும் சேர்க்காமல் வறுத்து (dry roast ) எடுத்துக் கொள்ளவும்.

எள்ளு நன்றாக ஆறியவுடன், அதனை மிக்ஸி ஜாரிலிட்டு, பொடியாக அரைத்துக் கொள்ளவும்.

பின்னர் இதனுடன், 1 - 2 தேக்கரண்டி ஆலிவ் எண்ணெய்/ விருப்பமான எண்ணெய் சேர்த்து நன்றாக பேஸ்ட்டாக அரைத்து எடுத்துக் கொள்ளவும்.

இந்த பேஸ்டின் பெயர் தெஹினி / தெஹினி சாஸ். இது மத்திய கிழக்கு நாடுகளின் ஸ்டேபிள் ஆகும். இதனை அப்படியே டிப் /சாஸ் மாதிரி உபயோகிக்கலாம்.

பின்னர், வேக வைத்துள்ள கடலைகள், தெஹினி, பூண்டு, சீரக பொடி, எலுமிச்சம் பழச்சாறு , உப்பு எல்லாம் சேர்த்து நன்றாக அரைத்துக் கொள்ளவும்.

ஓரளவிற்கு அரைந்தவுடன், இதனுடன் ஆலிவ் எண்ணெய் சேர்த்து நன்றாக கிரீமியாக அரைத்து எடுத்து, அதன் மீது இன்னும் சிறிது ஆலிவ் எண்ணெய் ஊற்றி, மிளகாய் பொடி மற்றும் பார்ஸ்லி/ கொத்தமல்லித் தளைகள் சேர்த்து அலங்கரித்தால், சுவையான ஹம்முஸ் தயார்.

குறிப்புகள் :

ஹம்முஸ் - இதுவும் ஒரு வகையான டிப் தான். பலாபெல்லோடு சேர்த்து பரிமாறுவார்கள்.

இதனை காய்கறிகளோடும் சேர்த்து டிப்பாக பரிமாறலாம்.

இதனோடு பீட்ரூட், அவேகாடோ, பார்ஸ்லி போன்றவைகள் சேர்த்து, பீட் ஹம்முஸ் / அவேகாடோ ஹம்முஸ் / கிறீன் ஹம்முஸ் என்றும் விதவிதமாக ஹம்முஸ் தயாரிக்கலாம்.

இதனை குளிர் சாதனப் பெட்டியில் வைத்து ஒரு வாரம் வரைக்கும் உபயோகிக்கலாம்.

கடலையை வேக வைத்த பின்னர், அதனுடைய தோலை நீக்கி விட்டு, பின்னர் அரைத்தால், இந்த ஹம்முஸ் மிகவும் கிரீமியாக இருக்கும்.